(1909) A dar tóquen
Si yo fues' algún d' esos señorones
que cunten les pesetes por millones,
y que, podres de ricos,
pueden untar con oro los focicos,
asina Dios me lleve,
considerara falta, non muy leve,
gastar n' un altomóvil tres mil pesos,
o 'n un casacu d' esos,
en que quieren volar los infelices,
a pique de rompese les narices.
Bien que ye gran verdá, qu' l el que lo tenga
d' ello puede gastar como i convenga,
pero ¿non y' un señor bien agarrau,
aquel recondenau,
que non da pa la xente reservista?...
¡Non quiero conocelu... nin de vista!
¡Bien merez que lu manden a Melilla
na que i den los rifeños la puntilla!
En cambiu, 'l qu' algo dea,
¡benditu del Señor por siempre sea!